Perezida Mnangagwa avuga ko ubumwe buzoroshya amasezerano y'isoko rya Afrika

Perezida Mnangagwa avuga ko ubumwe buzoroshya amasezerano y'isoko rya Afrika

Yanditswe March, 20 2018 at 22:35 PM | 2952 Views



Perezida wa Zimbabwe Emmerson Mnangagwa asanga gushyira mu bikorwa amasezerano y'isoko rihuriweho rya Afrika agiye gusinywa kuri uyu wa 3, bizoroha kuko ibihugu bizaba byiyemeje gukorera hamwe. Ku rundi ruhande, Dr Donald Kaberuka we asanga Afrika igiye kurushaho gutekana no kugera ku iterambere ryifuzwa.

Mu kiganiro kigamije kungurana ibitekerezo ku mbaraga z'ishoramari rya Afrika, Perezida wa Zimbabwe Emmerson Mnangagwa asobanura ko abanyafrika bakeneye gukorana kuko iby'ibanze uyu mugabane ukeneye ngo ubashe gutera imbere bihari. Ati, "...kugirango tubigereho dukeneye ubufatanye, kuganira ku buryo buhoraho tukabicengeza mu baturage bacu tubereka ko turi kumwe twese twatsinda. Kuba hari ibihugu bitera imbere si uko ari byo bihabwa amahirwe ahubwo bifite intego, ni ngombwa gusangira ibitekerezo tukihutisha imishinga tukareba uko yashyirwa mu bikorwa ku nyungu z'abaturage bacu.

Uwahoze ari Perezida wa Nigeria Olusegun Obasanjo asobanura ko inzego za leta n'iz'abikorera zigomba kugira uruhare rugaragara kugirango imishinga yose itegurwa ishyirwe mu bikorwa; gusa ngo hakwiye kurebwa urwego ibikorwaremezo bya Afrika biriho kugirango bitazakoma mu nkokora ishyirwa mu bikorwa ry'imishinga y'ishoramari ibihugu bya Afrika byifuza. Yagize ati, "...Ibikorwaremezo ni ikintu gikomeye rwose: twakora dute tudafite itumanaho, nta gutwara abantu n'ibintu, nta muriro n'ibindi. Ni gute ibyo tugomba kubishyira imbere? Niba ejo tuzasinya aya masezerano y'ingirakamaro ni ukwizera niba ibyo bikorwaremezo byuzuzanya bigomba gushyirwamo imbaraga bikajyana n'ibindi bikenewe."

Kuva mu mwaka wa 2016, Perezida w'u Rwanda Paul Kagame yahawe inshingano zo gukora amavugurura y'umuryango wa Afrika yunze ubumwe. Dr Donald Kaberuka yari mu itsinda ryateguye ayo mavugurura. We asanga gusinya amasezerano ashyiraho isoko rihuriweho ari yo nzira y'iterambere n'amahoro arambye. Yagize ati, "...reka ntange urugero rumwe: mu gace ka Aziya ahatuwe na miliyoni 600 z'abaturage,  Cambodia, Laos, Vietnam gutyo: hariya hahoze umutekano muke igihe kirekere. Ariko igihe bishyiraga hamwe abayapani bahashoye imari ku buryo butagira ingano imirimo iraboneka ubu hari mu hantu hari umutekano ku isi: Ndizera ko hejuru y'uko aya masezerano aganisha mu bucuruzi, ni inzira yo kubaka umutekano ku mugabane wa Afrika."

Kugeza ubu ibihugu bya Afrika bikora ubucuruzi hagati yabyo ku gipimo cya 17% mu gihe ku yindi migabane iki gipimo kikubye inshuro 2 cyangwa 3. Gusinya amasezerano agamije koroshya ubucuruzi n'ishoramari mu bihugu bya Afrika bizasiga nibura ubucuruzi bukorwa imbere mu bihugu bya Afrika bugera ku gipimo cya 52% mu mwaka wa 2022.



Ba wambere gutanga igitekerezo

Tanga igitekerezo:



RSS FEED

Perezida wa Sena Bernard Makuza yakiriye itsinda ry'abagize inteko ya Seneg

U Rwanda rwaje ku mwanya wa 29 mu bihugu byoroshya ishoramali ku isi

FPR Inkotanyi, PSD na PS Imberakuri bemeza ko amatora agenda neza mu Rwanda

Transparency International-Rwanda yagaragaje ibikenewe gukosorwa muri VUP

U Rwanda rwiyemeje gushyira imbaraga mu myigishirize y'ururimi rw'igif

U Rwanda na Togo basinye amasezerano y'ubufatanye mu ngendo zo mu kirere

RTV SCHEDULE