Perezida Kagame yatangaje ko azakomera ku gihango afitanye n'Abanyarwanda

Kuri uyu wa gatanu tariki 18 Kanama 2017, nibwo Perezida wa Repubulika Paul Kagame yarahiriye  kuyobora u Rwanda  imyaka 7. Yahise ashyikirizwa ibirango by'igihugu n'ibyo kurinda ubusugire bw'igihugu nk'umugaba w'ikirenga w'ingabo z'igihugu. Paul Kagame  wabanje kumurikirwa  ingabo mbere y'uko zikora akarasisi yavuze ko atewe ishema no gukomeza kuyobora u Rwanda binyuze mu cyizere afitiwe n'abaturage.

Uretse abanyarwanda ibihumbi baturutse mu mfuruka zose z'igihugu,Afurika yose yasaga n'iyimukiye mu Rwanda .Abayobozi baturutse mu bihugu bisaga 30  kuri uyu mugabane barimo abakuru b'ibihugu  n'aba guverinoma hamwe na bamwe mu bigeze kuba abakuru b'ibihugu nabo ntibahatanzwe.  Inshuti z'u Rwanda  zirurutse hirya no hino ku isi zirimo n'umuyobozi wungirije w'ishyaka rya gicommuniste mu Bushinwa nazo zari muri ibi birori byaririmbwemo indirimbo y'umuryango wa Afurika yunze ubumwe n'uwa Afurika y'Iburasirazuba bigasusurutswa n'Itorero ry'igihugu "URUKEREREZA".