Yanditswe Feb, 07 2017 13:56 PM | 2,121 Views
Perezida wa Republika Paul Kagame asanga kudakoresha iby'inganda zo mu Rwanda abantu bakararikira iby'ahandi biterwa ahanini no kutiha agaciro. Ibi yabivuze ubwo yasuraga agace kahariwe inganda, ka Kigali Special Economic Zone.
Perezida Kagame yibukije ko ibikorerwa mu Rwanda isoko ryabyo rya mbere ari Abanyarwanda, hanyuma bikajya ku isoko mpuzamahanga. Gusa asaba ko n'inganda zigomba gukora ibintu byiza, by'igiciro kidahanitse, bikazatuma zibasha guhangana ku masoko y'imbere mu gihugu no hanze.
Yagize ati: "Ibikorerwa hano bigomba kuba byiza kandi bikagurishwa ku giciro Abanyarwanda bibonamo. Guteza imbere iby'iwacu bigomba guhera ku bikorerwa hano bigenerwa Abanyarwanda mbere na mbere. Ibikorerwa hano bigomba kubanza guhaza abari imbere mu gihugu hanyuma tugasagurira amasoko yo hanze".
Perezida
Kagame yavuze ko kuhasura yari agamije kwirebera
ibimaze kugerwaho kugirango ashobore kumva neza akazi gasigaye gukorwa. Akaba
yabashimiye akazi keza gakorwa mu kubaka inganda n'uruhare zigira mu guteza
imbere u Rwanda.
Yibukije ko aka gace kahariwe inganda kashyizweho mu rwego rwo guteza imbere ubucuruzi n'inganda.
Ibice binyuranye yasuye harimo uruganda StrawTec, rukora ibikoresho by'ubwubatsi, urwa PharmaLab, rukora imiti, uruganda rukora imyenda rwa C&H Garments, n'urutunganya ibiryo hagamijwe kurwanya imirire mibi mu bana rwa Africa Improved Foods. Kuri ubu inganda 32 ni zo zikorera muri special economic zone mu gihe izirenga 20 zikirimo kubakwa.
Perezida Kagame yasobanuye uko Abanyarwanda bigobotoye imyumvire yo gutegera amaboko amahanga
Apr 19, 2024
Soma inkuru
U Rwanda na Georgia byemeranyije ubufatanye mu bya politiki na diplomasi
Apr 17, 2024
Soma inkuru
Hashyizweho uburyo bwo kwireba no kwiyimura kuri lisiti y’itora hakoreshejwe ikoranabuhanga
Apr 17, 2024
Soma inkuru
FERWAFA yanyuzwe n'umusaruro w'Amavubi mu mezi ane ashize
Apr 17, 2024
Soma inkuru
RHA yahumurije abubakishije amakaro yo mu bwogero ku nkuta z’inzu z’ubucuruzi
Apr 17, 2024
Soma inkuru
Gakenke: Imirimo yo kubaka Umudugudu w’Icyitegererezo uzatuzwamo abahoze mu manegeka irarimban ...
Apr 17, 2024
Soma inkuru
Karongi: Inzobere z’abaganga ba RDF zatangiye kuvura abaturage ku buntu
Apr 16, 2024
Soma inkuru
Abamotari batakambye ku biciro by’ubwishingizi birushaho gutumbagira
Apr 16, 2024
Soma inkuru