Perezida Kagame yasabye indangamirwa kubyaza umusaruro amahirwe bafite

AGEZWEHO


Perezida Kagame yasabye indangamirwa kubyaza umusaruro amahirwe bafite

Yanditswe July, 13 2017 at 22:03 PM | 2020 Views



Perezida wa Repubulika Paul Kagame yagaragarije urubyiruko amahirwe rufite arimo gutegurwa neza no kuba rufite iby’ingenzi byarufasha guhangana n’ibibazo. Ibi umukuru w’igihugu yabigarutseho ubwo yasozaga itorero ry’Indangamirwa icyiciro cya 10 rimaze ukwezi ritorezwa mu kigo cy’imyitozo ya gisirikare i Gabiro.

Urubyiruko rugera kuri 523 barimo abahungu 375 n’abakobwa 148 nibo bamaze ukwezi bigishwa amasomo arimo amateka y’u Rwanda, gukora Akarasisi, uburyo ingabo zitwara ku rugamba, gukoresha intwaro, kugenda ninjoro no gutegura intambara bifashishije ikarira n’ibindi.

Ubwo iri torero batangiye ku itariki 12 z’ukwezi kwa 6 uyu mwaka ryasozwaga, berekanye bimwe mu byo bigishijwe birimo umukino berekanye uko bategura urugamba ku ikarita ndetse bararurwana rurangira batsinze umwanzi.

Perezida wa Repubulika Paul Kagame yibukije izi ntore ko zifite ibyibanze byazifasha guhangana n’ibibazo bahura nabyo bitandukanye nuko byari bimeze ku babohoye igihugu bakanahagarika jenoside yakorerwaga abatutsi badafite ubushobozi bityo abasaba kubyaza umusaruro ayo mahirwe bafite.

Iri torero indangamirwa icyiciro cya 10 ryari rihurije urubyiruko rwize hanze, urukigayo n’abateganya kwigayo bari barahurijwe muri batayo 2 iya mbere igizwe n’abari hagati y’imyaka 24 na 35 iya kabiri yari igizwe n’abari hagati y’imyaka 18 kugeza kuri 23.

Risojwe abagera kuri 65 basabye kwinijira mu gisirikare mu bijyanye na engeneering n’ubuganga naho abagera kuri 72 basabye kujya mu nkeragutabara.



Ba wambere gutanga igitekerezo

Tanga igitekerezo:



RSS FEED

Perezida Kagame yitabiriye ihuriro ry'ibihugu bigize umuryango wa Commonwea

Perezida Kagame yasabye abayobozi gushyira inyungu z'abaturage imbere y

Perezida Kagame avuga ko ubumenyi bukwiye guhabwa intebe muri Afrika

Perezida Kagame avuga ko abakobwa n'abagore ikoranabuhanga ritagomba kubasi

Perezida Kagame na Museveni mu biganiro byo kunoza umubano w'u Rwanda na Ug

Perezida Kagame yakiriye bamwe mu bakuru b'ibihugu baje mu nama idasanzwe y