Perezida Kagame yakiriye itsinda ry'ishoramari mu ku kugura imigabane

AGEZWEHO


Perezida Kagame yakiriye itsinda ry'ishoramari mu ku kugura imigabane

Yanditswe July, 17 2017 at 20:09 PM | 2530 Views



Perezida wa Repubulika Paul Kagame yakiriye abashoramari bibumbiye mu kigo cy'ubucuruzi cyitwa Pharo abasobanurira ibihe bikomeye u Rwanda rwanyuzemo naho rugeze rwiteza imbere ndetse n'icyerekezo rufite nabo bashimangira ko bagiye kurushaho gushora imari yabo mu Rwanda.

Aba bashoramari barirwa muri 60 bakiriwe na Perezida wa Republika Paul Kagame, baturutse mu mijyi ya New York ho muri Leta Zunze Ubumwe za Amerika, i Londres mu Bwongereza no muri Hong Kong mu Bushinwa. Nyuma y'ibiganiro bagiranye na Perezida Kagame bavuze ko bagiye kurushaho gushora imari yabo mu Rwanda. Guillaume FONKENELL, umuyobozi wa Pharo yagize ati, ''Twatangiye nubundi gushora imari mu Rwanda. Twitabiriye isoko ry'imigabane ya Leta yashyizwe ku isoko mpuzamahanga mu minsi yashize twaguze imigabane igera kuri miliyoni 400. Tunakorana n'abikorera, urugero ni nka Kigali Heights aho turi bamwe mu bayishoyemo amafaranga. Mu bihe biza turashaka kugira uruhare noneho rugaragara, ibyo twabiganiriyeho na Minister ndetse na Perezida uyu munsi. Intego yacu nk'abashoramari b'abanyamwuga ni ugukomeza gushora imari mu gihugu no kugira uruhare mu iterambere ry'ahazaza.''

Minisitiri w'Imari n'Igenamigambi, Amb. Claver Gatete wari kumwe n'iri tsinda ubwo abarigize bakirwaga na Perezida Kagame, avuga ko kugirana umubano nabo byazamura ishoramari mu gihugu. Yavuze ngo, ''Icyo tubona cyiza cyane ni uko ari abantu bashaka umubano natwe ni company yatangiye mu 2000 ubu ariko igeze kuri miliyari zigera kuri 9 z'amadorali y'amanyamerika kandi ziracyazamuka turabona ko ari abantu twagirana umubano mwiza noneho bagashyira amafaranga yabo menshi mu bikorwa bigiye bitandukanye ahangaha rero ni cyo tubonyemo kandi nabo ubwabo bishimiye kuba bari mu Rwanda, abenshi bari bataragera mu Rwanda ahangaha rero turasanga ari ikintu kiza cyane cyo kugira ngo turebe ko twagira umubano mwiza n'iyi company ifite akamaro kandi ikora investment ahantu henshi hanyuranye harimo no muri Afurika".

Aba bashoramari bari mu Rwanda aho baje gukorera umwiherero mu Karere ka Rubavu. Basuye ibice bitandukanye by'igihugu birimo na pariki y'ibirunga.

Pharo Management Company ikora ishoramari ryibanda ku kugura imigabane ku isoko mpuzamahanga. Uretse kuba baraguze impapuro mpeshwamwenda (Treasury Bonds), guverinoma yashyize ku isoko mpuzamahanga, banashoye imari mu bwubatsi bw'Inzu y'Ubucuruzi ya Kigali Heights aho bagize uruhare rungana n' 10%. Banaguze imigabane ku masoko y'imari n'imigabane yo mu bihugu nka Ethiopia, Kenya, Mozambique, Cote d'Ivoire na Senegal.



Ba wambere gutanga igitekerezo

Tanga igitekerezo:



RSS FEED

Perezida Kagame yitabiriye inama rusange y'Umuryango w'Abibumbye

Perezida Paul Kagame azitabira inama ya 72 y'Umuryango w'Abibumbye i N

Perezida Kagame yakiriye indahiro z'abayobozi bashya muri guverinoma

Perezida Kagame yasabye urwego rw'ubucamanza gukomeza kurwanya ruswa

Perezida Kagame yakiriye indahiro y'abayobozi bagize guverinoma nshya

Abayobozi bazitabira kurahira kwa Perezida Kagame batangiye kugera I Kigali