Perezida Kagame na Madamu batoreye mu Bushinwa aho bari mu butumwa bw'akazi

Perezida Kagame na Madamu batoreye mu Bushinwa aho bari mu butumwa bw'akazi

Yanditswe September, 02 2018 at 21:49 PM | 8046 Views



Perezida wa Republika y'u Rwanda Paul Kagame na madame we Jeannette Kagame, batoreye mu gihugu cy'u Bushinwa aho bari mu ruzinduko rw'akazi. Ambasaderi w'u Rwanda muri iki gihugu Kayonga Charles avuga ko hari n'abandi bayobozi bo mu Rwanda basaga 30 batoreyeyo kuko bitabiriye inama y'ihuriro ku bufatanye bw'u Bushinwa na Afrika itangira kuri uyu wa mbere i Beijing.

Kuri ambasade y'u Rwanda i Beijing mu Bushinwa, ni ho perezida wa repubulika Paul Kagame na madame we Jeannette Kagame batoreye kuri iki cyumweru. Ni igikorwa bitabiriye ahagana saa tanu z'igitondo ku isaha y'i Beijing ari yo saa kumi n'imwe z'igitondo i Kigali mu Rwanda.

Aha kuri ambasade y'u Rwanda hatoreye kandi n'abandi banyarwanda iki gikorwa cyasanze bari mu Bushinwa n'abasanzwe bahabarizwa biganjemo abanyeshuli.

Ambasaderi w'u Rwanda mu Bushinwa, Charles Kayonga, yavuze ko aho Perezida Paul Kagame na madame we Jeannette Kagame batoreye ari ho abanyarwanda basaga 1200 baba mu Bushinwa, bose bagombaga gutorera.

Perezida wa Republika na madame we, bageze mu Bushinwa kuri uyu wa 5, aho kuri uyu wa mbere bitabira inama y'ihuriro ku bufatanye n'ubuhahirane hagati y'u Bushinwa n'umugabane wa Afrika, FOCAC mu mpine z'icyongereza.



Ba wambere gutanga igitekerezo

Tanga igitekerezo:



RSS FEED

Perezida Kagame yagiranye ibiganiro na Perezida Xi Jin Ping w'Ubushinwa

Perezida Kagame na Madamu bageze mu Bushinwa kwitabira inama ya FOCAC

Perezida Kagame yitabiriye irahira bya Perezida wa Zimbabwe Emmerson Mnangagwa

"Imbaraga zacu tuzishyire mu kwiyubaka no kurinda ibyo twubaka"--Perez

Perezida Kagame yitabiriye inama ya Africa Transform Forum muri Ghana

Perezida Kagame yifatanyije n'abaturage mu myitozo ngororangingo iba 2 mu k

RTV SCHEDULE