Yanditswe Apr, 02 2018 22:03 PM | 16,686 Views
Kuri uyu wa kabiri Minisitiri w’Intebe Dr. Edouard Ngirente, arageza ku Nteko
Ishinga Amategeko gahunda za guverinoma zijyanye no guteza imbere ubuhinzi.
Itegeko nshinga ry'u Rwanda riteganya ko ministre w'intebe ageza ku mitwe yombi
gahunda za guverinoma nibura rimwe mu gihembwe cy'inteko ishinga amategeko.
Mu mwaka wa 2020, guverinoma y’u Rwanda yiteze ko abakora ubuhinzi mu
Rwanda bazaba bangana na 50%, bavuye kuri 72% babukora muri iki gihe.
Imibare iherutse gushyirwa ahagaragara n'ikigo cy'ibarurishamibare, yerekana ko mu mwaka ushize wa 2017 ubuhinzi bwagize uruhare rwa 31% mu musaruro mbumbe w'igihugu, kuko bwazamutse ku rugero rwa 7%.
Minisitiri w’Intebe Dr Edouard Ngirente arageza ku badepite n’abasenateri uko uru rwego ruhagaze, mu bijyanye no guhunika, imbogamizi uru rwego ruhura na zo n’ingamba zihari mu kongera umusaruro warwo n’ibyoherezwa hanze biruturukamo.
Itegeko Nshinga rya Repubulika y’u Rwanda riteganya ko ‘Rimwe mu gihembwe
cy’Inteko Ishinga Amategeko, Minisitiri w’Intebe aza gusobanurira ibikorwa bya
Guverinoma’ Inteko Ishinga Amategeko, Imitwe yombi iteranye.
Muri gahunda y’imyaka 7 ya guverinoma y'u Rwanda, harimo ingamba z'uko ubutaka bwuhirwa buzava ku buso bungana na hegitari 48.508 zo muri uyu mwaka (2016/2017) bugere kuri hegitari 102.284 muri 2024. Umwihariko uzahabwa ubuhinzi bukorerwa mu bishanga n’ubukorerwa ku buso buto hakoreshejwe ikoranabuhanga ridahenze cyane (Small-scale irrigation).
Hazongerwa ikoreshwa ry’imashini mu mirimo y’ubuhinzi rive kuri 25% (2017) rigere kuri 50%; ndetse ubuso bw’ubutaka buhingwa nyuma yo guhuzwa buzazamuke bugere kuri hegitari 980.000 buvuye kuri hegitari 635.603.
Urubyiruko rwavutse nyuma ya Jenoside rugeze he rwigishwa amateka yaranze u Rwanda?
Apr 24, 2024
Soma inkuru
Musanze: Hatangijwe igikorwa cyo gusuzuma kanseri y’inkondo y’umura ku bafite hagati y ...
Apr 24, 2024
Soma inkuru
Ingabo z'u Rwanda n’iza Jordanie zaganiriye ku kubyutsa imikoranire mu bya gisirikare
Apr 24, 2024
Soma inkuru
U Rwanda rwongeye kugaragaza ko rwiteguye kwakira abimukira bazava mu Bwongereza
Apr 23, 2024
Soma inkuru
Perezida Kagame yagiranye ibiganiro na mugenzi we w'u Bufaransa
Apr 23, 2024
Soma inkuru
Nkunduwimye yashinjwe gufatanya na Georges Rutaganda gutanga intwaro zakoreshejwe kwica Abatutsi
Apr 23, 2024
Soma inkuru
Abanyarwanda bategujwe imvura idasanzwe mu mpera za Mata
Apr 21, 2024
Soma inkuru
Perezida Kagame yasobanuye uko Abanyarwanda bigobotoye imyumvire yo gutegera amaboko amahanga
Apr 19, 2024
Soma inkuru