Nyamasheke: Abaturage babuze aho begeka umusaya kuko ibiza byabasenyeye

Nyamasheke: Abaturage babuze aho begeka umusaya kuko ibiza byabasenyeye

Yanditswe September, 23 2016 at 16:40 PM | 1126 Views



Mu karere ka Nyamasheke, abaturage basenyewe n'ibiza baravuga ko bahangayikishijwe n'uko kugeza magingo ayay batarabona aho barambika umusaya.

Ubuyobozi bw’akarere ka Nyamasheke buravuga ko bukomerewe cyane n’ingaruka z’ibiza byatewe n’imvura yaguye hagati muri uku kwezi ikangiza ibintu byinshi.

Mu byangijwe harimo ibyumba by’amashuri 4, inzu abanyeshuri bariragamo bakanidagaduriramo mu ishuri ryisumbuye rya Gafunzo, n’amazu y’abaturage 6, ibi byose bikaba ari ibibazo kuko bariya bana badafite aho bigira, abandi badafite aho barira, bagahora bikanga indwara ziterwa n’isuku nke.

Abasenyewe amazu nabo ngo kubona aho barambika umusaya biracyabakomereye cyane, ku buryo bakeneye kugobokwa vuba.

Umuyobozi w’aka karere, Kamari Aimé Fabien, yavuze ko ibi biza byabakozeho cyane kandi yari mu mvura za mbere yari iguye, akavuga ko bishobora no kwiyongera igihe yaba nyinshi cyane.

Avuga kandi ko bahangayikishijwe no kuba abana  bamwe b'abanyeshuri bo mu mirenge ya Mahembe na Kanjongo badafite ntibafite aho bigira, abo bo mu ishuri ryisumbuye rya Gafunzo ntibafite aho barira kandi ni benshi,.

Avuga ko bagiye no kwiyambaza Minisiteri ifite kurwanya ibiza mu nshingano zayo(MIDIMAR) kuko gusana ibyangiritse bisaba amafaranga atari make kandi batari biteguye.




Ba wambere gutanga igitekerezo

Tanga igitekerezo:



RSS FEED

Abarundi 517 bari bacumbikiwe I Nyanza nabo basubiye mu Burundi

Imvura idasanzwe yahitanye abantu 3 inangiza inzu zisanga 700

U Rwanda na HCR muri gahunda yo gufasha impunzi gukora badategereje inkunga

Inama ku mihandagurikire y'ikirere yiswe COP22 yakomereje muri Maroc

MIDIMAR na UNHCR batangije igikorwa cyo korohereza impunzi kwikorera

RTV SCHEDULE