Mu kizamini gisoza ibyiciro by'amashuri,abakobwa nibo baje imbere

Minisiteri y'uburezi yashyize ahagaragara amanota y'ibizamini by'abarangije amashuli abanza n'abarangije icyiciro rusange (tronc commun). Muri ibi byiciro byombi Abana b'abakobwa barushije abahungu ku buryo inota fatizo babashyiriragaho bimurwa mu byiciro byisumbuye ryavanyweho. Ubusanzwe abana b'abakobwa mu byiciro bajya mu mwaka wa 1 w’amashuri yisumbuye no mu mwaka wa kane batoranywaga bafatiye ku manota yo hasi ugereranyije n'abahungu.

Ku bijyanye n'imitsindire, abana bagize amanota yo ku rwego rubanza cg first division mu cyongereza bazamutseho 1% kuko umwaka ushize bari 10% none ubu ni 11% by'abarangije icyiciro rusange.