Kicukiro: Resitora zirangwamo umwanda zigiye guhagurukirwa

Ubuyobozi bw'akarere ka Kicukiro buratangaza ko butazigera bwihanganira bamwe mu bafite za Restora zikirangwamo umwanda, ni nyuma yaho bamwe mu baturage bagana za restora basaba ko isuku yarushaho kugenzurwa kuko bishyira ubuzima bwabo mu kaga ko kwandura indwara zitandukanye.

Nubwo zimwe mu ma restora usanga zifite isuku, ariko nanone hari naho usanga isuku zarirengagijwe, bamwe bafite za restora baremera amakosa yagiye agaragara kandi ko bagiye kuyakosora.

Ku ruhande rw'abagana ayo ma restora barasaba abafite isuku mu nshingano kurushaho gukaza ingamba kugirango badakomeza kurwara indwara ziterwa n'isuku nke.

Bayingana Emmanuel umuyobozi w'ungirije ushinzwe imibereho myiza y'abaturage mu karere ka kicukiro, avuga ko batazigera bihanganira za restora zikirangwamo n'isuku nke.

Gusa arasaba abagana za restora ubufatanye mu kurwanya bene izo restora.