Kibeho: Imyaka 35 irashize habereye ibonekerwa rya mbere

Mu gihe habura amasaha make Ngo kiliziya gatorika yizihize  isabukuru y'imyaka 35 y'amabonekerwa ya kibeho, kuri iki gicamunsi imbaga y'abakristu n'abandi bake mu rugendo nyobokamana bamaze kuhagera n’ubwo itariki nyirizina itaragera. Ku itariki ya 28/11/1981 nibwo Alphonsine Mumureke wigaga muri college ya Kibeho yabonekewe na Bikira Mariya.

Ibihumbi by'abitabiriye kwizihiza iyi sabukuru yaba abanyarwanda n'abanyamahanga bari mu Masengesho abandi bava cyangwa bajya ku Isoko y'amazi ya Bikira Mariya:gusa ntibyoroshye kubona ayo mazi kubera ubwinshi bw'abayakeneye. Abanyarwanda n'abanyamahanga bakora ingendo nyobokamana I Kibeho basanga kwizihiza iyi sabukuru biyiziye ahabereye amabonekerwa bituma babasha guhamya no kwibonera aho ibyo amabonekerwa yabereye aho gukomeza kubibwirwa gusa.