Inama ku ikoranabuhanga y'ihuriro y'amashyaka ya politike mu Rwanda

Abayobozi b'imitwe ya politike yemewe mu Rwanda baragaragaza ikoranabuhanga nk'igikoresho gikomeye mu gusakaza ibitekerezo, bagahamagarira abayoboke b'iyo mitwe kwirinda ibyaha byifashishwa ikoranabuhanga. Ni nyuma yo kugezwa ho ibiganiro byateguwe n'Ihuriro ry'imitwe ya Politiki yemewe mu Rwanda kuri uyu wa Gatanu.

Ibiganiro ku ruhare rw'ikoranabuhanga mu iterambere ry'ubukungu n'imibereho myiza, byateguwe n'ihuriro ry'imitwe ya politike yemewe mu Rwanda mu gihe umwaka utaha wa 2018  hazaba amatora y'abadepite.

Uretse kumurikirwa politike y'ikoranabuhanga mu Rwanda ndetse n'intera igihugu kimaze kugeraho muri urwo rwego, bariya banyapolitiki bagaragarijwe na polisi y'igihugu bimwe mu byaha bikorwa hifashishijwe ikoranabuhanga basezeranya gufata iya mbere mu kubirwanya no kubikangurira abayoboke b'imitwe ya politiki.