Imibereho ya bazwi nka 'karani ngufu' ishobora guhinduka ikarushaho kuba myiza

Ministeri y'abakozi ba leta n'umurimo iratangaza ko abakora imirimo itanditse ''informal sector'', harimo iyo mu ngo n'iya karani ngufu bagiye kubona itegeko ribarengera, rizagena imishahara fatizo n'uko abakoresha babo bakubahiriza uburenganzira bwabo.

Bamwe mu bakora ubukaraningufu bemeza ko bahuraga n'imbogamizi bakiyambaza gusa amakoperative. Nsengimana Vitali avuga ko amaze gusaza atagishobora kwikorera ibiro bisaga 50 mu gihe mbere yikoreraga ibiro ijana cyangwa bisaga nk'abasore twahasanze.

Avuga ko gukorera muri koperative byabagiriye akamaro kuko bibaha ingufu. Ibibazo byo kutagira imishahara fatizo, cyangwa amasezerano n'abakoresha ni bimwe mu bibazo usanga ngo bibugarije. 

Umurimo wa karani ngufu ufasha mu gutwara imizigo no kuyipakira, itunze benshi mu rubyiruko mu rwego rwo kwirinda kuba inzererezi. Gusa kuba ukiri mu igomba kunozwa igashyirwa no mu mategeko bizarushaho guha icyizere abawurimo.

Inkuru irambuye mu mashusho: