Imbuto Foundation yatangiye guhemba imbuto z'icyeza mu ntara y'amajyaruguru

Imbuto Foundation yatangiye guhemba imbuto z'icyeza mu ntara y'amajyaruguru

Yanditswe March, 26 2018 at 22:29 PM | 6689 Views



Ministre w’ubutaka n’amashyamba Madame TUMUSHIME Francine arahamagarira abana b’abakobwa b’’INKUBITO Z’ICYEZA’’ guharanira kugendana n’icyerekezo igihugu kiganamo, gishingiye ku bumenyi ngiro, ikoranabuhanga, ubumenyi n’ibindi bigamije gutuma harushaho kongerwa imbaraga mu byubaka igihugu. Ibi yabitangarije kur’uyu wa mbere mu karere ka Gakenke mu gikorwa cyateguwe n’umuryango Imbuto Foundation cyo guhemba abana b’abakobwa babaye abambere mu mashuri abanza n’ayibumbuye bo mu turere dutandukanye twiganjemo utwo mu ntara y’amajyaruguru.

Ibikoresho binyuranye birimo ibikapu, ibitabo, mudasobwa n’ibindi bizajya bibafasha mu myigire yabo ya buri munsi nibyo byahawe abana b’abakobwa b’inkubito z’icyeza, barimo abarangije amashuri abanza, ay’icyiciro rusange ndetse n’ayisumbuye babaye abambere mu bizamini bya leta ku bufatanye n’umuryango Imbuto Foundation. 

Kuva iyi gahunda yatangizwa na Madamu wa Perezida wa Repubulika Jeannette Kagame mu mwaka wa 2005 abana b’abakobwa b’inkubito z’icyeza basaga 4665 nibo bamaze guhabwa ibihembo nk’ibi. 

Uyu muhango wanatangiwemo 'certificate' z’ishimwe kuri aba bana b’abakobwa wari witabiriwe n’abayobozi banyuranye barimo n’umukuru w’intara y’amajyaruguru Gatabazi Jean Marie Vianney, abahagarariye ingabo na Polisi ndetse na Ministre w’ubutaka n’amashyamba wari umushyitsi mukuru. 

Ministre TUMUSHIME Francine yanashimangiye kandi ko ibi abana b’abakobwa batazabigeraho bonyine, kuko bagomba kubifashwamo n’ababyeyi n’abarezi, babarinda ibishobora kubangiza aho biva bikagera. Biteganyijwe ko muri uyu mwaka wa 2018 hazahembwa abana b’abakobwa b’inkubito z’icyeza hirya no hino mu gihugu bagera ku 172.



Ba wambere gutanga igitekerezo

Tanga igitekerezo:



RSS FEED

First Lady Jeannette Kagame arakangurira abantu kwandika ku mateka ya Jenoside

First Lady Jeannette Kagame yitabiriye ibiganiro ku mateka muri gahunda ya caf&e

First Lady Jeannette Kagame yahembye inkubito z'icyeza mu karere ka Nyamaga

Madamu Jeannette Kagame yasabye urubyiruko kugira icyerekezo mu buzima

First Lady Jeannette Kagame yavuze ko uburezi bushobora guhindura isi

Mme Jeannette Kagame yasabye abayobozi kutajenjekera ibitanya abanyarwanda

RTV SCHEDULE