Gutangiza icyumweru cya Army Week mu karere ka Muhanga

Ingabo z’u Rwanda zatangiye igikorwa cyo kuvura abarokotse Jenoside yakorewe Abatutsi bagera ku 3,000 bafite uburwayi bunyuranye mu karere ka Muhanga. Ni muri gahunda y’icyumweru cy’ibikorwa by’ingabo z’u Rwanda cg Army Week.

Mu gihe cy’iminsi 7 abo barwayi bazahabwa ubuvuzi bw'indwara zo mu mutwe, indwara zo mu kanwa no mu ijosi zikenewe kubagwa, indwara zo mu mubiri, indwara zo mu matwi, mu mazuru no mu mihogo, ndetse n'ubuvuzi bw'ihungabana bukeneye ubujyanama. Bamwe mu barokotse Jenoside yakorewe Abatutsi bahuye n'ibi bibazo barashima uruhare rw'ingabo z'u Rwanda zikomeje kubitaho zibavura.

Brigadier General Dr Emmanuel NDAHIRO, umuyobozi w'ibitaro bya Gisirikare by’u Rwanda avuga ko ingabo z'u Rwanda zagize uruhare mu guhagarika Jenoside yakorewe Abatutsi, zitazateshuka no mu gikorwa cyo gufasha abagizweho ingaruka na Jenoside, ibi bigakorwa mu rwego rwo guteza imbere igihugu.

Mu myaka 4 abaturage basaga ibihumbi 40 nibo bamaze kuvurwa mu turere 27 tw'igihugu muriyi gahunda ya army week, hakaba hasigaye abaturage b'uturere twa Gicumbi, Ngororero na Rusizi.

Inkuru irambuye mu mashusho: