Gicumbi: Urubyiruko rwazamuwe no korora inzuki

Abasore n’inkumi bagera kuri 67 bo mukarere ka Gicumbi, bishyize hamwe bibumbira muri Cooperative yo korora inzuki kuburyo muri ubwo buki n’ibishashara byazo bakoramo ibintu bitandukanye nk’amavuta yo kwisiga, umuti w’inkweto n’ibindi.

Ni amavuta bakora mu buki n’ibishashara byazo. Ayo mavuta afite ibara ry’umweru bavuga ko yuzuje ubuziranenge kuko banahawe icyemezo cya Koperative ndetse banahabwa igihembo kurwego rw’igihugu na minisiteri ifite urubyiruko munshigano MYICT.

Kuva batangiye mukwezi kwa 3 2016, barishimira umusaruro babonye w’ibiro bisaga 90 mugihe nyamara hirya no hino hagaragaye ikibazo cy’inzuki. Bavuga ko ubuki bwabo ari bwiza. 

Urwo rubyiruko runahabwa amahugurwa y’amezi 3 ajyanye no kwihangira imirimo nyuma yo kwerekwa amahirwe bafite nibyo bakwikorera byabazanira inyungu. Hari abamaze gukora imishinga y’ubworozi, ubuhinzi ndetse no kwikorera ibintu binyuranye bashyira ku isoko.