Yanditswe Feb, 06 2017 17:04 PM | 3,181 Views
Atangira ubukangurambaga buzamara icyumweru bugamije kurwanya imirire mibi,umuyobozi wungirije w’umujyi wa Kigali ushinzwe imibereho Patricia Muhongerwa yatangaje ko ubushakashatsi bwakozwe mu mpera z'umwaka ushize wa 2016 bwagaragaje ko umurenge wa Bumbogo mu karere ka Gasabo uza ku isonga mu kugira abana bafite imirire mibi kuko ufite abagera kuri 71.
Ni igikorwa cyakozwe abaturage berekwa uburyo bwo gukora akarima k' igikoni, abana bato bahawe amata ndetse banagaburirwa n' ifunguro rigizwe n' indyo yuzuye.
Bamwe mu babyeyi batuye i Bumbogo batangarije RBA ko basobanukiwe ibijyanye n' indyo yuzuye n' uburyo itegurwa.
- Rijeridaseka Dativa: “Batwigishije ko tugomba guteka imboga,itoki,ibirayi, tugashyiramo indagara, amavuta cg soya . Umwana mimutekera gutyo bimufasha mu buzima mu bwenge, mu mikorere ye ukabona n' umwana usobanutse ufite imbaraga.”
- Nyiranizeyimana Aline: “Iyo ugiye guteka indyo yuzuye ufata nk' ibishyimbo ugashyiramo igitoki, imboga zirimo karoti na poivron ugatekera umwana. Ibi bituma umwana atagira imirire mibi, akagira umubiri mwiza n' ibiro byuzuye.”
Ku rundi ruhande hari abatangaje ko hari imbogamizi bahura nazo zituma batagaburira abana babo indyo yuzuye.
Iki gikorwa cy' ubukangurambaga ku birebana n' imirire, umujyi wa Kigali uvuga ko cyateguwe nyuma yo kubona ko muri uyu mujyi hari ikibazo cy' imirire mibi mu bana bato. N’ubwo umujyi wa Kigali utavuga umubare nyakuri w' abana bagaragaweho n' imirire mibi, Umuyobozi wungirije ushinzwe imibereho myiza mu mujyi wa Kigali, Patricia Muhongerwa avuga ko imirire y'abana igomba kwitabwaho buri wese abigizemo uruhare:
“Kuva umugore agisama inda akwiriye kuba arya indyo nziza , indyo yuzuye irimo ibyubaka umubiri, ibitanga imbaraga,kugirango nabyara numwana azaba afite ubuzima bwiza. Kuva agifite imyaka 5, umwana akwiye guhabwa indyo yuzuye. Amata twatanze ntabwo azahora atangwa ahubwo cyari ikimenyetso cyo kubereka ko tubashyigikiye kdi tubasaba ariko ibyinshi biri mu mbaraga zabo. bagomba gukora, byashoboka gukoresha imbagara bakabona amata. Abo bizagaragara ko nta bushobozi bafite, bazegera inzego z' ibanze zigire icyo zibafasha.”
Nk’uko byatangajwe mu gutangiza ubu bukangurambaga bugomba kumara icyumweru,zimwe mu mpamvu zitera ikibazo cy' imirire mibi ngoharimo ikibazo cy' amakimbirane yo mu ngo atuma abana batitabwaho, ababyeyi bahugira mu mirimo ntibite ku bana babo ndetse n' abagurisha umusaruro n' umukamo ntibazirikane abana babo.
U Rwanda rwongeye kugaragaza ko rwiteguye kwakira abimukira bazava mu Bwongereza
5 hours
Soma inkuru
Perezida Kagame yagiranye ibiganiro na mugenzi we w'u Bufaransa
Apr 23, 2024
Soma inkuru
Nkunduwimye yashinjwe gufatanya na Georges Rutaganda gutanga intwaro zakoreshejwe kwica Abatutsi
Apr 23, 2024
Soma inkuru
Abanyarwanda bategujwe imvura idasanzwe mu mpera za Mata
Apr 21, 2024
Soma inkuru
Perezida Kagame yasobanuye uko Abanyarwanda bigobotoye imyumvire yo gutegera amaboko amahanga
Apr 19, 2024
Soma inkuru
U Rwanda na Georgia byemeranyije ubufatanye mu bya politiki na diplomasi
Apr 17, 2024
Soma inkuru
Hashyizweho uburyo bwo kwireba no kwiyimura kuri lisiti y’itora hakoreshejwe ikoranabuhanga
Apr 17, 2024
Soma inkuru
FERWAFA yanyuzwe n'umusaruro w'Amavubi mu mezi ane ashize
Apr 17, 2024
Soma inkuru