Bamwe mu bakozi b'imirenge bavuga ko gukosoza liste y'itora biri hejuru ya 90%

Italiki ntarengwa yari yaratanzwe na komisiyo y'igihugu y'amatora ya buri wese kuba yarikosoje kuri liste y'itora  yarangiye kuri iki cyumweru taliki 28.05.2017.

Bamwe mu bayobozi b'imirenge bavuga ko umubare munini w'abaturage bamaze kwikosoza usibye bake bagiye bimukira ahandi.

Kugeza nko ku murenge wa Gitega, bamwe mu bayobozi bavuga ko kwikosoza bigeze ku kigereranyo cya 96%.

Mu karere ka Kicukiro, mu murenge wa Niboyi, ho harimo kwakirwa abaturage bafite indangamuntu zifite ibibazo urugero nk'amakosa mu mazina, imyaka , n'ibindi. Kuburyo harimo gukosorwa ayo makosa agaragara ku ndangamuntu bahawe.

 Ku kigo cy'igihugu gishinzwe ingangamuntu ku munsi ngo hakirwa abantu bari hagati ya 30-40. Nabo ngo basabwa kwishyura amafaranga 1500 bakanagaragaza icyemezo cyatanzwe mbere ya 2007, kugirango barebereho amazina nyayo bifuza ko ashyirwa ku ndangamuntu.