Amatora y'umukuru wa FERWAFA yasubitswe akazasubirwamo nyuma y'iminsi 90

Akanama gashinzwe gutegura amatora muri Ferwafa kemeje ko kuba nta mukandida washoboye gutsinda amatora yabaye kuri uyu wa Gatandatu, komite yari isanzweho iyobowe na Nzamwita Vincent De Gaulle izakomeza imirimo yayo kugeza habaye andi matora.

Ibi byabaye nyuma y'uko Nzamwita Vincent de Gaule avanyemo kandidature ye, umukandida bahataniraga uyu mwanya Rwemalika Felicite ntiyagejeje ku majwi akenewe ngo atorwe.

ICYO ABANTU BATANDUKANYE BAVUGA KU MATORA YIMUWE

Bamwe mu bakunda umupira w'amaguru n'abakurikirana ibyawo igihe kinini, baravuga ko batunguwe no kuba umwaka urangiye nta matora y'umuyobozi mushya wa Ferwafa abaye kandi bari babyiteguye. 

Gusa ngo uzatorwa wese azaharanire kuzamura impano z'abana kugirango abanyarwanda bongere gukunda umupira w'amaguru no kugaruka ku bibuga, no gutegura neza ikipe y'igihugu izitabira imikino ya CHAN izatangira mu kwezi gutaha.