Yanditswe Feb, 08 2017 14:22 PM | 2,974 Views
Perezida wa republika Paul Kagame yayoboye umuhango wo kurahira kw'abayobozi batandatu baherutse gushyirwa mu myanya mishya mu nama y'abaminisitiri idasanzwe, bakemezwa n'inzego zibifitiye ububasha. Mu butumwa yatanze, umukuru w'igihugu yibukije abayobozi kwihutisha uburyo bashyira mu bikorwa inshingano.
Abarahiye ni Mme Clare akamanzi, umukuru w'urwego rushinzwe iterambere RDB akaba n'umwe mu bagize guverinoma, Dr Richard Sezibera watorewe kuba umusenateri, Jean Bosco Mutangana umushinjacyaha mukuru, Richard Muhumuza umucamanza mu rukiko rw'ikirenga, umukuru w'urwego rushinzwe imiyoborere RGB, prof. Shyaka Anastase n'umwungirije, Dr Usta Kayitesi.
Mu butumwa bwa Perezida wa republika Paul Kagame yibukije ko u Rwanda rufite intambwe rwifuza gutera mu rugendo rw'iterambere, kandi rukaba rukeneye kwihuta: “Igihugu cyacu gifite urugendo rurerure rwo gutera imbere. Kuzuza inshingano twihuta kandi neza kugira ngo tugere ku ntego tudatinze, kdi ntibivunana iyo abantu bakorera hamwe kandi baharanira inyungu rusange.” Perezida Kagame
Perezida Kagame kandi yagarutse no ku kongerera ubushobozi inzego zinyuranye kandi ibitagenda neza bigakosorwa Umukuru w'igihugu yasabye abayobozi gukomeza kunoza imiyoborere n'imikoreshereze y'imari, no kurwanya ruswa kugira ngo bifashe igihugu kugera ku cyerekezo kihaye.
Yatangaje ko umutekano w'abanyarwanda n'uw'igihugu
muri rusange, bikwiye gukomeza kubungabungwa kuko ari ishingiro rya byose. Akaba yasoje asaba abarahiye kuzuzanya n'abo bagiye
gukorana.
Ubuhamya bw'abakinnyi barokowe na Siporo muri Jenoside yakorewe Abatutsi
Apr 19, 2024
Soma inkuru
REG BBC yisubije Thomas Cleveland Jr
Jan 19, 2024
Soma inkuru
Oscar Pistorius yafunguwe nyuma y'imyaka 11 ishize yishe uwari umukunzi we
Jan 05, 2024
Soma inkuru
Jurrien Timber myugariro wa Arsenal ari mu Rwanda muri Gahunda ya Visit Rwanda
Dec 14, 2023
Soma inkuru
Twitege iki kuri Tour du Rwanda 2024?
Nov 09, 2023
Soma inkuru
Amagare: FERWACY yabonye abayobozi bashya
Nov 05, 2023
Soma inkuru
Perezida Kagame yakiriye abegukanye ibihembo bya Trace Awards 2023
Oct 22, 2023
Soma inkuru
Car Free Day: Umujyi wa Kigali washimiwe kugira ibikorwaremezo byorohereza abagenda n'amaguru
Oct 15, 2023
Soma inkuru