Abantu 3 nibo bamaze guhabwa impapuro zo gusinyisha mu baturage--Kalisa Mbanda

Perezida wa Komisiyo y'igihugu y'Amatora Prof. Kalisa Mbanda, avuga ko abagabo 2 n'umugore umwe aribo bamaze gufata impapuro ziyo komisiyo ku buryo barimo gusinyisha abantu ngo babone abantu 600 babahesha uburenganzira bwo gushyirwa ku rutonde rw'abazemererwa kwiyamamariza umwanya w'umukuru w'Igihigu mu matora ateganyijwe mu kwezi kwa 8.

Prof. Kalisa Mbanda, avuga ko guhera ku italiki ya 13 z'uku kwezi kwa 5 nibwo abifuza kwiyamamariza umwanya w'umukuru w'igihugu batangiye gusinyisha ababashyigikiye 600 kugirango bashyirwe ku rutonde rw'abaziyamamariza uwo mwanya.

Mu matora y'umukuru w'igihugu yo mu 2010, abanyarwanda bayitabiriye bagera kuri miliyoni 6 n'ibihumbi 800. Uyu mubare ukaba ngo ushobora kwiyongera mu matora yo muri uyu mwaka, ukagera muri miliyoni zirindwi. Prof. Mabanda anasobanura ko kwikosoza kuri liste y'itora ngo birihuta mu turere tw'icyaro kurusha mu mijyi.