Abagenzuzi b'imari ya leta mu bihugu bya Afurika barasabwa gukorera mu mucyo

Perezida w'inteko ishinga amategeko umutwe w'abadepite Hon Donatille Mukabalisa afungura inteko rusange y'ihuriro ry'ubugenzuzi bw'imari mu bihugu bya Áfurika bikoresha ururimi rw'icyongereza (African Organization of  English Supreme Audit) yashimiye uruhare inzego zishinzwe ubugenzuzi bw'imari ya Leta zigira mu gucunga neza imikoreshereze y'imari n'imitungo by'ibihugu no gukorera mu mucyo.

Umugenzuzi mukuru w'imari ya Leta mu Rwanda Obadiah Biraro avuga ko imikorere myiza y'urwego rw'ubugenzuzi bw'imari n'umutungo by'igihugu byatumye hari intambwe iterwa mu  kurwanya inyerezwa ry'imari n'umutungo by'igihugu.

Perezida w'Inteko ishinga amategeko, umutwe w'abadepite Hon Donatille Mukabalisa yavuze ko izo nzego zifasha inteko mu nshingano zazo kandi zigatuma habaho gukorera mu mucyo

Iyi nteko rusange izamara iminsi 5 hazanaganirwamo uburyo ikoranabuhanga ryafasha mu kunoza serivise zijyanye n'imikoreshereze y'imari hanaganirwe ku mbogamizi buri gihugu gihura na zo n'uburyo bwo gukumira ibyaha bijyana n'ikoranabuhanga.