Abadepite 9 nibo batorewe guhagararira u Rwanda mu nteko nshingamategeko ya EALA

Abagize inteko ishinga amategeko y'u Rwanda batoye abadepite 9 bagomba guhagararira u Rwanda mu nteko ishinga amategeko y'umuryango wa Afrika y'iburasirazuba (EALA).

Abakandida 18 ibo bahataniraga imyamya 9 irimo abaturuka mu mitwe ya politiki FPR, PSD, uhagarariye abafite ubumuga, urubyiruko n'abagore.

Abatanyurwa n'amatora bemererwa kujurira mu rukiko rw'ikirenga mu masaha 48 narwo rufite kuburanisha urubanza rw'ubujurire bwaboneka mu minsi itarenga itanu nkuko byatangajwe na perezida w'umutwe w'abadepite mukabalisa donatille ubwo yatangizaga aya matora.

Itora ryahereye ku bakandida batanzwe n'umuryango FPR inkotanyi n'imitwe bishyize hamwe kuri iki cyiciro hakaba hamaze gutorwa: Gasinzigwa Oda (92/93), Ndangiza Fatuma(92/93); Ngoga Martin (92/93) na Rwigema Pierre Celestin(83/93)

Mu bakandida batanzwe na PL hatowe madamu Rutazana Francine (78/92) naho ku mwanya w'uhagarariye abagore hatorwa Uwumukiza Francoise 59/91

Ku mwanya w'uhagarariye abafite ubumuga Bahati Alex(87/92) naho ku mwanya w'uhagarariye urubyiruko hatorwa Barimuyabo Jean Claude(67/91) w'imyaka 27.